qarmaqshy-tany.kz Қармақшы аудандық білім бөліміне қарасты Ш.Уәлиаханов атындағы №26 орта мектебінде «Қатыгездік пен зорлық зомбылықсыз балалық шақ» ақпараттық науқаны аясында «Отбасы және бала тәрбиесі»тақырыбында ата-аналармен дөңгелек үстел болып өтті.

Ата-аналарды педагогикалық қолдау орталығы кабинетінің ашылу лентасын Қармақшы ауданының құрметті азаматы, ардагер-ұстаз Д.Жалғасбаева мен №26 мектептің әжелер кеңесінің төрайымы К.Беркінбаева кесті.

Балаларды оқыту және тәрбиелеу мәселесі бойынша мектептің ата-аналармен қарым-қатынасын күшейту,сондай-ақ берекелі отбасы мәдениетін дамыту, құқық бұзушылықтың,зорлық зомбылықтың алдын алудағы дөңгелек столға аудандық білім бөлімінің басшысы Г.Абдазиева, ауданның құрметті азаматы,ардагер ұстаз Д.Жалғасбаева, АПб-нің орынбасары полиция подполковнигі Қ.Ерманов, жастар ресурстар орталығы директоры Н.Пірназаров,аудан әкімдігі жанындағы кәмелетке толмағандардың ісі және олардың құқықтарын қорғау комиссиясы хатшысы Ә.Бүркітбаева т.б қоғамдық ұйымдар өкілдері қатысты.

Дөңгелек үстел « Бастау» мектеп парламентінің құқық бұушылыққа байланысты мектепте жүргізілген жұмыстардың слайдтық таныстырымы және жаңа форматтағы бір тұтас тәрбие бағдарламасы негізінде тәрбие құндылықтарына ата-аналар 3-топқа бөліну арқылы постер қорғады.

Тәрбие жұмысының табысты болуының басты кепілі мектеп пен ата-аналар арасындағы ынтымақтастық қарым-қатынаста екендігі айтылып, сергіту сәтінде мектеп психологі «Өрмекші торы» тренингін өткізіп, отбасы бала тәрбиесіндегі үйлесімділік қарым-қатынасы жақсы жеткізілді.

Ұлттық тәрбие отбасы, жанұя,құқықбұзушылықтардың алдын алу,жастар саясаты туралы келелі мәселелер айтылды.