QADAM-ның қадамы нық
qarmaqshy-tany.kz АУДАНДЫҚ «QADAM» ЖАСТАР РЕСУРСТЫҚ ОРТАЛЫҒЫНЫҢ ҰЙЫМДАСТЫРУМЕН «АШЫҚ ЕСІК КҮНІ» ӨТКІЗІЛДІ. ІС-ШАРА БАРЫСЫНДА ЖАСТАРҒА САЛА МАМАНДАРЫН ТАРТА ОТЫРЫП КЕҢЕС БЕРУ, СПОРТТЫҚ ШАРАЛАР, КІТАП КӨРМЕСІ, КОФЕ БРЕЙК ЖӘНЕ БАУЫРСАҚ PARTY ҰЙЫМДАСТЫРЫЛДЫ.
Нақтылай кетсек, кәсіпкерлік бағыт бойынша кәсіпкерлік, өнеркәсіп және туризм бөлімінің әдіскері Әділбек Скендіров, жастар практикасы, қоғамдық жұмыс, алғашқы жұмыс орны және шағын гранттар бойынша «Мансап» орталығы филиалының маманы Арман Ноғаев, «Дипломмен ауылға» жобасы бойынша ауыл шаруашылық бөлімінің бас маманы Индира Төлеуова, психологиялық кеңес беру үшін психолог Айгерім Кенжебаева, зорлықзомбылықтың алдын-алу мақсатында ӘЗЗҚ тобының инспекторы, полиция капитаны Айнұр Қасымова және құқықтық кеңес беру үшін аудандық полиция бөлімінің лейтенанты Мәдина Жұбатханова қатысты.
Іс-шараға кент және ауылдық округтердегі жастар және колледж студенттері белсене қатысып, спорттық сайыстарда жоғарғы нәтижелер көрсетті. Жарысқа қатысушылар алғыстармен марапатталды.
«Қт» ақпарат
