«Зорлық зомбылыққа заң бар!»
qarmaqshy-tany.kz Қоғамымызда тұрмыстық зорлық зомбылық оқиғаларының көбейіп кетуі айтарлықтай мәселе болып отыр. Әсіресе тұрмыстық зорлық зомбылық оқиғаларына қатысты заңның күшейіп, жауапкершіліктің ұлғаюын еліміздің бұл бағыттағы жұмысының бірі ретінде айта аламыз.
«Әр бір отбасы шағын мемлекет» екенін ескере отырып, осы шағын мемлекеттерден құралатын Қазақстан атты үлкен еліміздің болашағы жарқын болуына, отбасы түсіністігі мен ерлі-зайыптылардың құқығының сақталып, балаларының бақытты ғұмыр кешуін қамтамасыз ете білуіміз керек.
Қармақшы ауданы полиция бөлімі Жергілікті полиция қызмті бөлімшесінің әйелдерді зорлық-зомбылықтан қорғау тобының инспекторы полиция капитаны Қасымова Айнұр Шакзадақызы әйелдерге қатысты жасалатын құқық бұзушылықтардың алдын алып, жәбірленуші азаматшаларға ақпараттық, консультативтік құқықтық және психологиялық көмек түрлерін көрсетуде.
Егер Сіз, тұрмыстық зорлық-зомбылықтың құрбаны немесе куәгері болсаңыз «102» арнасына немесе зорлық-зомбылықтан қорғау жөніндегі инспекторына 8-705-208-14-68 нөмеріне қоңырау шалып, көмек алуларыңызға болады.
Қармақшы ауданы полиция бөлімі
Жергілікті полиция қызметі бөлімшесі
Әйелдерді зорлық-зомбылықтан қорғау тобы
