qarmaqshy-tany.kz Бүгін Дүр Оңғар ауылында 7-сәуір Дүниежүзілік Денсаулық күніне орай "Денсаулық баршаға!" ұранымен кең көлемде акция өткізілді.

Акция барысында Қармақшы Аудандық Орталық Ауруханасының тар буынды мамандары Жылжымалы Медициналық Кешенмен келіп,ауыл тұрғындарының денсаулығын тексеруден өткізді. Келушілердің қан қысымын өлшеп, қандағы қант мөлшерін анықтап, бой-салмағын өлшеп, Кетле индексі бойынша анықталған артық салмақтыларға пайдалы кеңестер берді. Сондай-ақ, УЗИ, ЭКГ аппараттарымен зерттеулер жасалып,лабораториялық тексеруден өткізіп, флюорографиялық тексеру жүргізілді.

ЖДО, СӨСҚ мамандары Әмина Кетебаева, Дариха Құлмырзаева, ПӘК кабинетінің дәрігері Айткул Балмаханова, нарколог дарігер Айгуль Жамитовалар ауыл тұрғындарына салауатты өмір салтын ұстанып, өз денсаулығына жауапкершілікпен қарап, профилактикалық тексеруден өту жайлы,зиянды әдеттердің және жыныстық жолмен жұғатын аурулардың алдын алу туралы түсіндірме жұмыстарын жүргізді. АТМдар таратылып, келушілердің сұрақтарына жауаптар берілді.