Есірткі заттарын сақтағаны үшін қылмыстық жауапкершілікке тартылды

qarmaqshy-tany.kz Қармақшы аудандық сотында Ә.Б-ге қатысты Қазақстан Республикасының ҚК-нің 296 бабы 2 бөлігімен (есiрткi заттарды, өткізу мақсатынсыз заңсыз сақтау) айыптау бойынша қылмыстық іс қаралды.

Сотпен анықталғаны, 2022 жылдың қараша айында Қармақшы ауданы ПБ-нің қызметкерлерімен «Шымкент-Самара» тас жолында күдікті Ә. ұсталып, тергеп-тексеру барысында салмағы 4,19 грамм есірткі зат – марихуанна табылған. Басты сот талқылауында сотталушы Ә.Б-ге тағылған айып бойынша кінәсін толығымен мойындады.

Қармақшы аудандық сотының үкімімен Ә.Б  Қазақстан Республикасының ҚК-нің 296 бабының 2 бөлігінде көзделген қылмысты жасауда кінәлі деп танылып, оған осы бап бойынша 30 айлық есептiк көрсеткiш мөлшерде, яғни 91890 теңге айыппұл салынды. Үкім заңды күшіне енген.

    Қайнар: Қармақшы аудандық сотының баспасөз қызметі