Қармақшы аудандық сотында Қазақстан Республикасының Қылмыстық кодексінің 296-бабының 2-бөлігінде көзделген қылмыстық құқық бұзушылықты жасаған азамат З.-ға қатысты қылмыстық іс қаралды.

Сотта анықталғандай, азамат З. 2021 жылдың 15 сәуірінде сағат 03:30 шамасында басқаруындағы «TOYOTA CAMRY» автокөлігімен Қармақшы ауданында «Самара-Шымкент» тас жолында полиция қызметкерімен тоқтатылып, тексеру барысында автокөліктің жүк салғышында тұрған сөмкесі ішінен пакетке салынған 0,55 грамм кептірілген марихуана есірткі затын өткізу мақсатынсыз заңсыз сақтап, тасымалдаған.

Сот үкімімен сотталушы З. Қазақстан Республикасының ҚК-нің 296-бабының 2-бөлігімен кінәлі деп танылып, оған он айлық есептік көрсеткіш мөлшерінде 29 170 (жиырма тоғыз мың бір жүз жетпіс) теңге айыппұл салынды.

Үкім заңды күшіне енген.