Қылмыстық құқық бұзушылық жасағаны үшін бас бостандығынан айырылды

Қармақшы аудандық сотында Қазақстан Республикасының Қылмыстық кодексінің 346-бабының 1-бөлігінде көзделген қылмыстық құқық бұзушылықты жасаған азамат А.-ға қатысты қылмыстық іс қаралды.

Сотта анықталғандай, азамат А. 2019 жылғы 10 маусымда Қазақстан Республикасының Әкімшілік құқық бұзушылық туралы кодексінің (бұдан әрі - ӘҚБтК) 608-бабының 1-бөлігімен 3 (үш) жылға көлік құралын басқару құқығынан айырылған адам бола тұра, 2021 жылы 15 қаңтар күні сағат 17:35 шамасында, Жосалы кентінде «Ваз-2114» маркалы, А 897 ОТ/716 мемлекеттік белгідегі автокөлік құралын алкогольдік масаң күйде басқарған.

Сот үкімімен сотталушы А. Қазақстан Республикасының ҚК-нің 346-бабының 1-бөлігімен кінәлі деп танылып, оны көлік құралын басқару құқығынан өмір бойына айыра отырып, 6 (алты) айға бас бостандығынан айыру жазасы тағайындалды.

Үкім заңды күшіне енбеген.