20 тәулікке қамаққа алынды

Қармақшы аудандық сотында Қазақстан Республикасының ӘҚБтК-нің 608-бабының 6-бөлігімен азамат М.- ға қатысты әкімшілік іс қаралды.

Іс материалдарына сәйкес, азамат М. көлік құралын басқаруға құқығы жоқ адам бола тұра, 2021 жылғы 29 қаңтар күні сағат 19:08 шамасында М-32 «Шымкент-Самара» тас жолының Қармақшы ауданына қарасты 1645 шақырым тұсында өз басқаруындағы «Volkswagen Passat» маркалы көлік құралын алкогольдік масаң күйінде басқарған.

Сот отырысында азамат М. кінәсін толық мойындап, көлік құралын басқаруға құқығы жоқ бола тұра «Volkswagen Passat» маркалы көлік құралын алкогольдік масаң күйінде басқарғанына шын жүректен өкінетінін көрсетті.

Қазақстан Республикасы Үкіметінің 2014 жылғы 13 қарашадағы №1194 қаулысымен бекітілген Қазақстан Республикасы жол жүрісі Қағидасының 2-бөлімі 4-тармағы 2-тармақшасына сәйкес масаң күйде (алкогольдік, есірткілік және (немесе) уытқұмарлық); реакциясын және назар аударуын нашарлататын дәрілік препараттардың әсерімен; жол жүрісі қауіпсіздігіне қатер төндіретін сырқат немесе шаршаулы күйде көлік құралын басқаруға тыйым салынады.

Сот қаулысымен азамат М. Қазақстан Республикасының Әкімшілік құқық бұзушылық туралы кодексінің 608-бабының 6-бөлігімен кінәлі деп танылып, 20 (жиырма) тәулікке әкімшілік қамаққа алынды.