Қылмыстық құқық бұзушылық жасағаны үшін бас бостандығынан айырылды

Қармақшы аудандық сотында Қазақстан Республикасының Қылмыстық кодексінің 346-бабының 1-бөлігінде көзделген қылмыстық құқық бұзушылықты жасаған азамат М.-ға қатысты қылмыстық іс қаралды.

Сотта анықталғандай, азамат М. 2020 жылғы 9 ақпанда Қазақстан Республикасының Әкімшілік құқық бұзушылық туралы кодексінің (бұдан әрі - ӘҚБтК) ӘҚБтК-нің 608-бабының 1-бөлігімен 15 (он бес) тәуілік әкімшілік қамаққа алынып, 7 (жеті) жыл мерзімге көлік құралын басқару құқығынан айырылған адам бола тұра, 2021 жылы 12 наурыз күні сағат 12:00 шамасында, Қармақшы ауданында өзінің басқаруындағы «Ваз-2114» маркалы мемлекеттік тіркеу белгісі жоқ автокөлік құралын алкогольдік масаң күйде басқарған.

Сот үкімімен сотталушы М. Қазақстан Республикасының ҚК-нің 346-бабының 1-бөлігімен кінәлі деп танылып, оны көлік құралын басқару құқығынан өмір бойына айыра отырып, 6 (алты) айға бас бостандығынан айыру жазасы тағайындалды.