Қылмыстық құқық бұзушылық жасағаны үшін айыппұл салынды

Қармақшы аудандық сотында Қазақстан Республикасының Қылмыстық кодексінің 296-бабының 2-бөлігінде көзделген қылмыстық құқық бұзушылықты жасаған азамат Н.-ға қатысты қылмыстық іс қаралды.

Сотта анықталғандай, сотталушы Н. қасақана, заңмен тыйым салынған есірткі заты 1,30 грамм кептірілген марихуананы өткізу мақсатынсыз жеке пайдалану үшін сақтап, тасымалдап, халық денсаулығына және имандылыққа қарсы қылмыстық құқық бұзушылық жасаған.

Сот үкімімен сотталушы Н. Қазақстан Республикасының ҚК-нің 296-бабының 2-бөлігімен кінәлі деп танылып, оған он айлық есептік көрсеткіш мөлшерінде 29 170 (жиырма тоғыз мың бір жүз жетпіс) теңге айыппұл салынды.

Үкім заңды күшіне енген.