«ҚАРУ» жедел профилактикалық іс-шарасы өтуде

qarmaqshy-tany.kz ҚР ІІМ-нің нұсқауына сәйкес, аудан көлемінде атыс қарумен жасалатын қылмыстардың алдын алу мақсатында, заңсыз айналымдағы қаруларды анықтап, тәркілеу бағытында ағымдағы жылдың 2-6 наурыз аралығында «Қару» жедел-профилактикалық іс-шарасы өткізілуде.

Атап өтер жайт, аталмыш іс-шараның негізгі мақсаты – аудан көлемінде азаматтарға заңсыз сақтаудағы қаруды және оқ-дәрілерді сақтаудың жауапкершілігін түсіндіру және олардың жеткізу арналарын анықтау. Сонымен қатар, заңсыз қаруды сақтау, алып жүрумен айналысатын тұлғалар мен ұйымдасқан қылмыстық топтарды анықтау, отты атыс қаруымен жасалатын қылмыстардың алдын-алу, ескерту және оларды ашу жедел жағдайды тұрақтандыру болып табылады.

Сонымен қатар, полиция бөлімінің қызметкерлері ішкі істер органдарының тіркеуіне алынған азаматтық қару-жарақтарды сақтау жағдайын тексеру мақсатында қару иелерінің мекен-жайы бойынша тексеріп, олардың қаруды пайдалану, ұстау және сақтау талаптарын орындауы қадағалануда.

Ескертпе: Заңсыз сақталған қаруды өз еркімен тапсырған тұлға, егер оның әрекеттерінде өзге де құқық бұзушылық құрамы болмаса, әкімшілік жауаптылықтан босатылатынын ескертеміз.

Қармақшы АПб-нің ЖПҚб-сі