Атыс қаруы, оқ-дәрілер мен жарылғыш заттарды сатып алу бойынша кезекті акция басталды

Қоғамдық қауіпсіздікті қамтамасыз ету, атыс қаруымен жарылғыш заттардың салдарынан жасалатын қылмыстар мен құқық бұзушылықтардың алдын алу мақсатында, ҚР ІІМ-нің 27.03.2015-жылғы № 266 бұйрығымен бекітілген азаматтардан заңсыз сақталудағы атыс қаруын, оқ-дәрілермен жарылғыш заттарды ерікті түрде өтемді тапсыру ережесіне сәйкес, 2022 жылдың сәуір айының 22-нен бастап, Республика аумағында тұрғындардан заңсыз сақтаудағы атыс қаруын, оқ-дәрілермен жарылғыш заттарды сатып алу бойынша кезекті акция басталды.

Акцияның негізгі мақсаты, азаматтарда заңсыз сақталған қару-жарақтармен оқ-дәрілерді өтемді түрде қабылдау болып табылады.

Қазіргі таңда, барлық қалалық және аудандық полиция бөлімдерінде, азаматтардың тапсырған атыс қарулар, жарылғыш заттар мен оқ-дәрілердің техникалық жай-күйі мен оларды тапсырғаны үшін сияқы белгілеу жөнінде комиссия құрылды.

Азаматтардың заңсыз сақтаудағы қаруды, оқ-дәрілерді полиция бөлімдеріне өткізіп, қарумен жасалатын қылмыстардың алдын алуда өз үлестеріңізді қосуға шақырамыз.