«Ұстаз есімі – биік әрі мәңгілік»

qarmaqshy-tany.kz Көшеней Рүстембеков атындағы Жыраулар үйінде өзінің саналы ғұмырын, жастық жалыны мен күш-қайратын туған жерінің көркеюіне арнаған, еліне қадірлі, тау тұлғалы азамат Талғат Әлімшеұлының есімін ел есінде, ұрпақ жадында мәңгі сақтау мақсатында «Ұстаз есімі –биік әрі мәңгілік» тақырыбында еске алу кеші ұйымдастырылды.

Аталмыш шара барысында аудандық білім бөлімінің басшысы Г.Абдазиева алғы сөз сөйлеп, ұйымдастырылып отырған тағылымы мол шараның мақсатына тоқталып, шараны өз дәрежесінде ұйымдастыруға атсалысқан Талғат Әлімшеұлының жора- жолдастарына, жанұясына сонымен қатар Т.Салқынбайұлы атындағы өнер мектебі ұжымына алғысын жеткізді.

Сондай-ақ, білім шаңырағында үнемі қажырлықпен еңбектеніп, үлкен жауапкершілікпен, абыроймен атқарған Қуаңбаев Талғат Әлімшеұлы туралы қатысушы қонақтармен қатар өз замандастары өмірдеректі естеліктерімен бөлісіп, «Өнер» мектебінің концерттік бағдарламасын тамашалады.