Бала өмірінің қауіпсіздігі - баршаның міндеті!

qarmaqshy-tany.kz Ү.К.Томанов атындағы №183 мектептің 2022-2023 оқу жылындағы бірлескен жоспарына сәйкес 26.01.2023 жылғы өткізілген ата-аналар жиналысында Облыстық білім басқармасының 2022 жылы 17 қаңтар №03-03/226 хатына сәйкес, кәмелетке толмағандар арасында өз өзіне қол жұмсау қатары көбеюіне және осы келеңсіз жәйттардың орын алуына кибербуллинг, «Тик Ток» платформасындағы бейнероликтер мен білім беру ұйымындағы әлімжеттік, ұялы телефонындағы ойындарға құмарту, психологиялық күйзеліс пен жанұядағы әлеуметтік-тұрмыстық жағдайдың себеп болатынын атап өтуде. Осы аталған жағдайларға байланысты ата-аналармен тығыз байланыс орната отырып, балалардың ұялы телефонға қызығушылығын тудыратын, әрі жиі ойнайтын ойындарына бақылауды күшейту мақсатында ұйымдастырылды.

Жиналысты мектеп директоры Г.Әшірова ашып беріп, қазіргі таңда қоғамда ең ауқымды мәселелердің бірі жасөспірімдердің ғаламторға яғни виртуалды өмірге жақын болып бара жатқанына тоқталды. Бұл жағдай біздерге, болашақ ұрпақтарымыздың жан-жақты жағымды жақта дамуына үлкен қауіп болып табылатындығы жайында айтып өтті.

Жиналысқа аудандық жастар орталығының психологы Ә.Кетебаева қатысып «Отбасы құндылықтары», «Отбасы институты деген не?», «Ғаламтордың кері әсері», «Суицидтің, буллинг-кибербуллинг», «Қызу желі» тақырыбында баяндама жасады. Сонымен қатар ата-аналарға тәрбиелік мәні биік психологиялық тренинг өткізілді. Мектеп психологы Г.Бүркітбаева қазіргі таңда жасөспірімдер арасында белең алып тұрған мәселере жайында буллинг-кибербуллинг жайлы айтып, бейне ролик көрсетілді. АПБ-ның УПИ-ры мектеп инспекторы Р.Әдрахманов кәмелетке толмаған жасөспірімдердің кешкі мезгілде көшеде жүрмеуі, заң бұзушылықтарды болдырмау, алдын алу жайында айтып өтті.

Мектеп директорының тәрбие ісі жөніндегі орынбасары Г.Жақпанова мектепте жылдық жоспарға сәйкес әлімжеттіктің алдын алу, құқық бұзушылықты болдырмау, зорлық-зомбылық пен ғаламтордың зияны жайында, түрлі әлеуметтік желідегі балалар психологиясына кері әсер ететін ойындардан аулақ болу мақсатында бірлескен жұмыстар жүргізіліп жатқандығы туралы айтып өтті. Жиналысты қорыта келе ата-аналар өз ой-пікірлерін айтып, сұрақ-жауап арқылы кері байланысқа шықты.