qarmaqshy-tany.kz С.Есқараев атындағы №27 орта мектебінде жасөспірімдер мен оқушылар арасындағы құқық бұзушылықтың, тұрмыстық зорлық - зомбылықтың, буллинг пен кибербуллингтің, жыныстық тиіспеушіліктің, балаларға қатысты жасалатын қылмыстық оқиғалардың, суицидтің алдын алу және болдырмау мақсатында жаңа форматтағы жалпы мектепішілік ата - аналар жиналысы болып өтті. Жиналысты мектеп директоры А.Жарасова ашып, мектеп психологі Г.Тоқболатова "Буллинг пен кибербуллинг дегеніміз не?", "Тұрмыстық зорлық - зомбылықтан балаларды сақтандыру" тақырыбында хабарлама жасап, арнайы слайдтармен таныстырып, түсіндірме жұмыс өткізді. Ата - аналар пән мұғалімдерімен балаларының сабақ үлгерімдері жайлы пікірлесіп, ашық сөйлесуге толық мүмкіндік жасалды. Жаңа форматтағы еркін түрде өткізілген жиналыс ата - аналардың ойларынан шығып, көңілдегі сұрақтарына тұщымды жауап ала алды.