Аудан әкімі денсаулық сақтау саласының нысандарымен танысты

qarmaqshy-tany.kz Аудан басшысы Жандос Еркінбек әлеуметтік нысандарды аралау барысында бу қазандықтары табиғи газге көшірілген орталық аурухана мен аудандық емхананың жылу жүйелерінің жұмыстарын бақылады.

Сонымен қатар, аудандық аурухананың терапия бөлімінде жатқан науқастармен кездесіп, олардың талап-тілектерін тыңдады.

Ауруханада ем алушылар өз кезегінде аурухананың жылу қазандығы табиғи газға қосылғалы ғимараттың іші жылығандығын және ауруханада барлық санитарлық-тазалық шаралары сақталғандығын жеткізді. Сондай-ақ, жеткілікті деңгейде дәрі-дәрмекпен қамтамасыз етіліп, ұсынылатын тамақтарға көңілі толатындарын айтып, медицина қызметкерлеріне ризашылықтарын білдірді.