«Алтын белгіге» үміткер оқушылармен кездесті

Кездесу алдында аудан мектептерінен жиналған үздіктерге өз-өздерін сергіту, бірін-бірі танып білу мақсатында психологиялық тренингтер ұйымдастырылды.

Білім бөлімінің басшысы биылғы «Алтын белгіге» үміткер оқушылардың Ұлттық бірыңғай тестілеуді тапсыру заңдылықтары, оны қорғаудағы басты ерекшеліктер, үлкен өмірге қадам басқалы отырған түлектерге мамандық таңдаудың маңыздылығы жайында түсіндірме жүргізіп, өмірлік тәжірибелерімен бөлісіп, ойын ортаға салды.

Сондай-ақ, мектеп бітіруші түлектер бас ұстазға көкейкесті сауалдарын қойып, тұшымды жауаптарын алды. Пікірлерін білдіріп, алғыстарын да жеткізді.