Кәсіпкер балаларды қуантты

qarmaqshy-tany.kz Қуанса, бала қуансын, берсең, балаға бер, айта жүрер, - деген мақалдарды ата-бабамыз тегіннен-тегін айтпаса керек.

Уатсабыма келген жып-жылы суретті көргенде риза болып қалдым.

Ауыл тұрғыны, жеке кәсібі бар азамат Бекир Набиевті жұрт жақсы біледі.

Талай адамзат баласына көмек беріп, ауыл болсын, аудан болсын қайырымдылық жасағанын да, мерекелерде сый-сияпат жасағанын да естіп те көріп те жүрміз.

Әлқисса, ауылда үйден оқитын 5 /бес/ бірдей оқушыларымыз бар.

Бүгін өз отбасы атынан, жеке кәсібі бойынша Бекир Набиев арнайы уақытын бөліп, балалар жылына орай бес оқушыға сый-құрмет көрсеткен. Іші толы кеңсе тауарлары: сызғышынан бастап түрлі-түсті қаламдары, дәптер, кітаптары бар, жалпы оқушыға қажетті барлық заттарымен қоса әр-түрлі тәттілерін апарып балаларды қуантқан.

Жақсылық жасау-азаматтыққой.

"Жердегі бір бала қуанса, көктегі мың періште қуанады" - демекші балаларын қуантқан кәсіпкерге, олардың ата-аналары ризашылықтарын білдіріп, Алғыстарын айтуда.