Әне-міне дегенше жаңа оқу жылын бастап кеттік. Қыркүйекке ертемен дайындалар мектеп оқушылары биыл ата-анасымен базар базарлап, киім-кешек пен қалам-дәптер алуға айтарлықтай асыққан жоқ. Себебі карантин көп нәрсеге тосқауыл қойды. Жыл сайын «Мектепке жол» акциясына үлес қосуды дәстүрге айналдырған «Қазақстан Халық Банкі» акционерлік қоғамы бұл жолы да әдетінен танбады. Жаңа оқу жылына қарсы бірнеше оқушыға мектеп сөмкесін тарту етті.

Арқа қоржынына білім алушыға “ең керек” деген дәптер, қаламсап сынды бұйымдардың барлығы салынған. Шын көңілден ұсынған сыйлыққа балақайлар мен олардың ата-аналары разы болып, үлкен ұжымға алғыс білдірді. Еңбектеріне табыс, өздеріне абырой тіледі. «Қуанса – бала қуансын» деген ұстанымды мұрат тұтқан банк ұжымын өзгеге үлгі етті.

Иә, сапалы матадан тігіліп, ішіне керектің бәрі толтырылған сөмкені иықтарына қуана асынған тарыдай балалардың ертең-ақ таудай азамат болып шығарына сенім мол. Солардың жарқын болашағы үшін сапалы білім алуына титтей де болса үлес қосу, жағдай жасау – сауапты да қайырымды іс.

Бүлдіршіндерді мектепке дайындау қайырылымдылық шарасы қыркүйектің соңына дейін жалғасады.

«Қт» ақпарат