Бұл сайлау бұрынғыдан өзгерек

qarmaqshy-tany.kz Кеше таңмен таласа тұрып, азаматтық борышымызды атқарып, таңдауымызды жасадық. Осынау тарихи сәтке куә боп, мемлекетіміз үшін аса маңызды саяси науқанға қатысқанымыздың жауапкершілігін сезінеміз.

Бүгін елдегі саяси науқан өз мәресіне жетті. Аудан тұрғындары бұл сайлауда да белсенділік танытты. Облыс тұрғындарының 81 пайыздан астамы дауыс беріп, республикада екінші орыннан көрінді. Бұл тұста да өңір халқының елдің болашағына бей-жай қарамайтындығын көрдік. Жарқын болашақ жолында өз көшбасшыларын таңдағанына куә болдық.

Тәуелсіз еліміздің саясат сахнасында есте қаларлықтай елеулі күн өтті, десек қателеспейтініміз анық. Мемлекет көшбасшысын таңдаған бұқараның бұл күні әсте мүдірмегені анық. Президент сайлауы – біздің болашақ дамуымыздың стратегиялық бағытын айқындайтын науқан. Әділетті Қазақстан үшін, тұрақтылық пен ел бірлігі үшін, жаңару жолындағы Әділетті Қазақстан үшін өз дауысымды бердім.

Алда Жаңа Қазақстанды құру жолындағы үлкен өзгерістер күтіп тұр. Осы сайлаудан кейін ауқымды шаралар қабылданады. Осының бәрі демократия жолымен, әділ сайлау арқылы жүзеге асырылмақ.

Бұл сайлау бұрынғыдан өзгерек. Жаңа бастамаларға серпін бергелі тұр. Еліміз жаңаруды қалайды. Мемлекет үшін маңызды мәселеге ден қойып, мықты бірлігімізді көрсеткеніміз дұрыс болды.

Дәмелі Жалғасбаева,

Қармақшы ауданының Құрметті азаматы