Астанада мүсін ұрланды

Апырмай. Ай мен күннің аманында Елорданың қақ төрінен мүсін ұрланды. Мүсін болғанда да қандай, аштық құрбандарына орнатылған композициялық ескерткіштен ұл баланың қола мүсіні қолды болды. Астана қалалық ІІД баспасөз қызметінің хабарлауынша, құзырлы орындар күдіктіні ұстапты. Қазір қылмыстық іс қозғалыпты.

Қазір 196-бап (Көрiнеу қылмыстық жолмен табылған мүлiктi күні бұрын уәделеспей иемдену немесе өткізу) бойынша тергеу жұмыстары басталды. Жүген ұстаған бала композициясын полицейлер металл сынықтарын қабылдау пункттерінің бірінен тапқан.

Дәулет Қырдан