Үш баланың ата-анасы қайдан табылды?
Астанада жоғалған ата-ана табылды. Дабыл қағып, дүйім ел көз тіккен мәселеде арнайылап іздеу шараларымен қатар әлеуметтік желілерде де үш баланың ата-анасы Гүлхан Терликбаева мен Исраилжан Идминовтың фотосуреттері жарияланған еді.
– Жедел іздестіру шаралары нәтижесінде олардың қайда екені анықталды. Әрбір ақпарат құнды және біз олардың әрбірін нақтылап, тиянақтап іздедік. Іздеу шараларына астаналықтар ғана емес, облыстық деңгейдегі құзырлы орындар да араласты. Қазір жоғалған жандар табылды, денсаулықтары жақсы, – деп хабарлады Астана қалалық ІІД баспасөз қызметі.
Instragram әлеуметтік желісінде балалардың әке-шешесі 12-сәуірде жоғалғаны хабарланған. Естеріңізге сала кетейік, үш баланың бірі бір жасқа енді толса, қалған екеуі жеті жасқа толмаған.
Дәулет Қырдан
