qarmaqshy-tany.kz 2011 жылдың 6 шілдесінде бірыңғай «Жас Ұлан» балалар мен десінде бірыңғай «Жас Ұлан» балалар мен жасөспірімдер ұйымы Республикалық қауымының бірлестігі құрылған болатын. Содан бері «Жас Ұлан» ұйымы 11 жыл бойы еліміздің жас өрендерімен бірге өсіп келе жатыр.

Ү.Томанов атындағы No183 орта мектебінде де «Жас Ұлан» ұйымы әрбір жас ұландыққа төбемізде желбіреп тұрған көк туымыз түстес галстугі мен төсбелгісін табыстап, ұйымға өткен әр оқушыға ант қабылдатып, мақсат, міндет, ережелерін таныстырып келеді.

Бұл ұйымның негізгі мақсаты – өскелең ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікке мектеп оқушыларын тәрбиелеу болып табылады.

Бүгінде мектебімізде аталмыш ұйымға 141 жасұландық, 94 жас қырандық қабылданып, оқушыларымыз өздерінің оқуда, еңбекте, спортта өжет те қайсар екендерін дәлелдеп келеді. Қазақстанның әр мектебіндегі тәлімгерлер мен «Жас Ұлан» ұйымының жетекшілері өскелең ұрпаққа Қазақстан Республикасының Рәміздерін дәріптеуіне, құрметтеуіне, еліміздің гүлденуіне, Отанын мақтан етуіне, батыр бабаларымыздың ерлігін, өнегесін ұлықтауына, табиғатты аялауына, үлкенге құрмет, кішіге ізет көрсетуіне үлес қосып, түрлі іс-шаралар арқылы егеменді еліміздің еңселі азаматтарын тәрбиелеп келеді. Бұл үрдіс әлі де жалғасын таба бермек. «Жас Ұланның» арқасында елін сүйетін ерлер мен ұлтына жанашыр арулардың қатары арта түспек.