Некеге тұру тәртібі

Неке қию адам өміріндегі ең маңызды және есте қаларлық кезең. Осыған орай мемекеттік көрсетілетін қызметтердің қолжетімділігін және қызмет алушылардың қызметтерді «Электронды үкіметтік порталы» арқылы онлайн алу жолдарын насихаттау мақсатында некені тіркеуге ниет білдірген азаматтар Egov порталында өздеріне ашылған электронды цифрлы қолтаңба арқылы «Отбасы» бөліміндегі «Отбасылық жағдайы» тарауына өтіп «Некені тіркеуге электрондық өтініш беру» батырмасын басып, «Қызметті онлайн алу» батырмасы арқылы қажетті ұяшықтарды толтырып, өтініш жібере алады. Бұл қызметті көрсету үшін бір айлық есептік көрсеткіш көлемінде алынатын мемлекеттік бажды төлеу төлем картасы арқылы жүзеге асырылады. Төлем жасалғаннан кейін электронды цифрлы қолтаңба арқылы қол қойылады. Өтініш тіркеуші органға түскен соң некені тіркеу келесі жұмыс күнінен бастап есептелетін күнтізбелік он бесінші күні ерлі-зайыптылардың өздері келген жағдайда мемлекеттік тіркеуге алынады. Сонымен қатар некеге отыратын ерлі-зайыптылардың некеге отыру туралы өтініштеріне некені тіркеу мерзімін қысқарту үшін қосымша тиісті құжаттарымен жүктілік немесе ортақ туылған баласының туу туралы куәлігімен расталып жалғанған жағдайда неке қиюды мемлекеттік тіркеу мерзімі қысқартылады. Егер некеге отыратын ерлі-зайыптылардың біреуі шетел азаматы болған жағдайда шетел азаматынан қосымша некеге құқық қабілеттілігі туралы анықтама, Көші қон мекемесінен уақытша тіркеуге тұрғандығы туралы анықтама және нотариальды куәландырылған шетел паспортының көшірмесі талап етіледі.