СУ- ЗЕР, СУШЫ ЗЕРГЕР немесе таза ауыз судың күрмеуі қала тарқады?
Елбасы 2011 жылы Қазақстан халқына арнаған «Болашақтың іргесін бірге қалайық» атты Жолдауында «Қазақстандықтарды сапалы ауыз сумен қамтамасыз ету мәселелері – халықтың денсаулығын жақсартудың аса маңызды міндеті, сондықтан бұл біздің басымдығымыз болады. Орталықтандырылған сумен қамтамасыз етуге қолжетімділік елді мекендерде 41 пайызға, қалаларда 72 пайызға дейін өсті. Орташа алғанда республика бойынша ауыз суға қолжетімділік деңгейі 2020 жылға қарай 98 пайызды құрауы тиіс, судың сапасы белгіленген барлық санитарлық нормаларға сай болуы керек. 2020 жылға қарай сумен қамтамасыз етудің орталық желісіне қолжетімділік қалаларда100 пайызды құрауы тиіс. Ал, ауылды жерлерде екі есе артып, 80 пайызға дейін жетуі қажет», – деген болатын.
Осы ретте Ұлт көшбасшысының сара саясатын жүзеге асыруда өміршең болған мемлекеттік «Ақбұлақ», «Таза су», «Нұрлы жол» бағдарламалары аясында бүгінде елімізде ауқымды жұмыстар өз ауанымен іске асырылуда. Елбасы саясатына қолдау көрсетуде аймағымызда да толымды істер жүзеге асуда. Өңір басшысы Қырымбек Көшербаев жыл басында аймақ тұрғындарына берген есеп беру жиналысында өткен жылы облысымыздың даму көрсеткішін саралай келе, халықты таза сумен қамтамасыз етуде де істеліп жатқан жұмыстарға аса мән берді. Нақтырақ айтқанда, облысымыздағы260 елді мекеннің 195-і бүгінде орталықтандырылған ауыз су жүйесіне қосылғанын айта келе, бұл көрсеткіш өңірдегі барлық елді мекеннің 75 пайызын, ал ол сол елді мекендердегі тұрғындардың 95 пайызын құрайтынын жеткізді. Сонымен бірге, мемлекеттік «Нұрлы жол» және «Өңірлік дамыту» бағдарламалары шеңберінде өткен жылы Ұлттық қордан, республикалықжәне облыстық бюджеттер есебінен бөлінген 13,6 млрд. теңгеге 45 жоба жүзеге асырылғанын мәлімдеді. Ағымдағы жылы облыс тұрғындарын сапалы ауыз сумен қамту мақсатында, оның ішінде Байқоңыр қаласынан ауыз суды сатып алып отырған Төретам кенті, Ақай ауылдық округіне «Байқожа» су құбырын жеткізу бойынша жобасының жоба-сметалық құжаттарын әзірлеу мәселесі пысықталғанын тілге тиек етті.
Ал, енді өз ауданымызға келсек, аудан әкімі Сұлтан Мақашовтың биыл өңір тұрғындарымен кездесуіндегі берген мәліметі бойынша өткен жылы мемлекеттік «Нұрлы жол» бағдарламасы мен облыстық бюджеттен бөлінген 1 млрд. 8 млн. теңгеге 7 елді мекенге ауыз су жеткізілген. 29 елді мекеннің 18-і толықтай орталықтандырылған сапалы жерасты таза суымен қамтамасыз етілген. Сондай-ақ, бүгінгі күнге өткен жылдың нәтижесімен аудан орталығындағы 1383 тұрғын үйге ауыз су желісі кіргізіліп, «Жосалы кентіндегі су жүйесін және 2-і көтерме насос стансасын қайта жаңғырту» жобасымен 5000 текше метрлік су жинайтын резервуар орнатылған.
Сақтапберген Медеуов басқаратын «Октябрь топтық су құбыры» өндірістік бөлімшесі тоқталсақ, мекеме мемлекеттік «Нұрлы жол» бағдарламасы аясында өткен жылы Жосалы кентінде «Рза» АҚ-ы арқылы 5000 текше метрлік су қоймасын салып, су көтеру стансасына құрылыс-монтаж жұмыстарын істеді. Сарыөзек көлінде орналасқан су көтеру стансасындағы ұнғыма тазартылып, оған тұщыландыру қондырғысы орнатылды. Сондай-ақ, 2400 метр тозығы жеткен су желісі ауыстырылып, «Мелиоратор» ЖШС-і арқылы Иіркөл, Дүр Оңғар ауылдарында тұрғын үйлерге су кіргізу жұмыстары жүргізілді.
Ал, Қанибек Төлепов басшылық ететін Қармақшы ауданының оқшау сумен жабдықтау пайдаланушы өндірістік бөлімшесінің жоғарыда аталған жұмыстар бойынша бізге берген мәліметіне сүйенер болсақ, өткен жылы аталмыш бөлімше бойынша жоспарға сәйкес, 127 242 08 текше метр таратылған таза судың 120 883-і жеке тұрғындарға, ал 6 359,08-і мекеме, кәсіпорындарға беріліп, оның қаржысы толық жинап алынған.
Десе де, жоспарда жоқ ақау шыққан 63 су желісі, оның ішінде Көмекбаевта – 12, Қуандарияда – 8, Алдашбай ахунда – 3, Тұрмағамбетте – 6, Ақжарда –16, Ақтөбеде – 8 Қармақшы ауылында – 10су желісінде орын алған ақауларға жөндеу жұмыстары жүргізілді.
Нұрбай ЖАНӘДІЛОВ,
«Қармақшы таңы».
ХХХ
«Қармақшы таңы».
ХХХ
