"Мал шаруашылығын әлден қолға алуымыз керек"

Бүгін менің қабылдауымда Қармақшы ауданының құрметті азаматы, Фермерлер одағының аудандық филиалының төрағасыы, Жосалы кенті қоғамдық қауымдастығының төрағасы Асқар Мереков болды. Бұл кісі – ұзақ жыл қызмет атқарған азамат. Қабылдауға келгендегі алғашқы мәселесі – мал шаруашылығының жайы. Біздің аймақ негізінен ауыл шаруашылығына бейім аудан. Оның ішінде егіншілік бағыты жақсы дамыған. Ал мал шаруашылығы қаншама суармалы, жайылымдық жерлеріміз бола тұра кенже қалып тұр. Бұл мәселенің айтылып та, жазылып та жүргеніне біршама уақыт болды. Біз аудандық мәслихаттың VII шақырылған сессиясында арнайы мал шаруашылығын дамыту мәселесін күн тәртібіне қойдық. Сонымен қатар биылғы жылдың өзінде аудан әкімдігінде жылдың басынан бері осы бағытта бірнеше жиын өтті. Сондай-ақ, өткен аптада Тараз қаласынан жерасты суын бұрғылап шығаратын мамандар келіп, ұсыныс-пікірлерін айтты. Мамандармен аудандық мәслихат және тиісті сала мамандары болып талқылау жасадық. Ал екінші мәселеде аудан орталығы болғандықтан Жосалы кентінің жайы туралы сөз қозғалды. «AMANAT» партиясы депуттарының тарапынан халықтың жағдайы, кент келбеті үнемі бақылауда болатынын жеткіздім.