«Қайсар» кезекті жеңісіне қол жеткізді
Футболдан бірінші лиганың 2-турында қызылордалық «Қайсар» «Яссыға» қонаққа барып, кезекті жеңісіне қол жеткізді.
Қасқырлар ойынның алғашқы бөлігін ширақ бастап, кездесудің 15-минутында есеп ашты. Алаң иелерінің қорғаушысы Аян Құлмағанбетовке қарсы тәртіп бұзып, төреші 11-метрлік айып добын белгіледі. Нүктеге келген Мамаду Диалло мүлт кетпей, «Қайсарды» алға шығарды.
Матчтың екінші жартысында алаң иелері есепті теңестіруге мүмкіндік алды. Алайда ойынға тыңнан қосылған Елжас Алтынбеков 80-минутта гол соғып, «Қайсарға» жеңіс сыйлады.
