Парламент сенатының депутаттары ауданда

Қазақстан Республикасы Парламенті Сенатының депутаттары Мұрат Бақтиярұлы мен Ақмарал Шәріпбайқызы және облыстық мәслихат хатшысы Наурызбай Сейтқалиұлы Қармақшы ауданына жұмыс сапарымен келді.
Жұмыс сапары аясында Парламент Сенатының депутаттары Жаңажол ауылындағы көктемгі егінге дайындық жұмыстарымен танысты. Аудан әкімі депутаттарға 2022 жылғы егіс жұмыстарына дайындық барысында шұғыл шешімді табуды қажет ететін бірқатар өзекті мәселелер бойынша ұсыныстарды жеткізді.
Сондай-ақ, депутаттар аудан орталығындағы аурухана жұмысымен танысып, ардагерлермен және аудандық мәслихат депутаттарымен кездесті. Кездесу барысында Парламент Сенатының депутаттарына жергілікті тұрғындарды сапалы медициналық қызмет көрсету үшін жаңа аурухана құрылысын салу мүмкіндігін қолдауды ұсынды.