Облыс әкімі елді мекен тұрғындарымен кездесті
Аймақ басшысы Гүлшара Наушақызы ауданға жұмыс сапары барысында Жосалы, Т.Көмекбаев және Алдашбай ахун елді мекендерінің тұрғындарымен кездесіп, ұсыныс-пікірлерін тыңдады. Ауыл ақсақалдары шағын ауылға балабақша салу, инфрақұрылым тарту және аяқ су тапшылығына қатысты өзекті ұсыныстарын жеткізді. 1397 тұрғыны бар Т.Көмекбаев ауылында 256 қожалық бар. Мұнда да егін мен мал шаруашылығын дамыту өзекті. Аймақ басшысы облыс бюджетінен Қармақшы ауданына 3 насос қондырғысын алуға қаржы қаралғанын, Үкімет резервінен тағы 17 насос қондырғысын алу жоспарда бар екенін жеткізіп, арнаға келетін суды бөлу ісінде ауылдардың нақты жағдайы ескерілетінін еске салды.
