1 наурыз күні «Nur Otan» партиясының кезектен тыс XXII съезі өтіп, нәтижесінде партия атауын «AMANAT» деп өзгерту туралы шешім қабылданды.

Съезд барысында Парламент Мәжілісіндегі «Nur Otan» партиясы Фракциясының Төрағасы Ерлан Қошанов партия атауын «Amanat» деп өзгерту туралы ұсыныс білдірді. Мемлекет басшысы, Партия Төрағасы Қасым-Жомарт Кемелұлы қолдау көрсетіп, жаңа Қазақстанды құру жолындағы партияға жүктелген жаңа қадамдар, қазақстандықтардың мәселелерін шешудегі жаңа тәсілдер қабылданатынын айтты.

AMANAT – мемлекет мүддесі үшін тарихи партия. Тәуелсіз мемлекетіміз, еліміз бен жеріміз – ата-бабамыздың бізге қалдырған аманаты. Осы аманатты халық игілігі үшін сақтап қалу, келер ұрпақтарға жеткізу – ел тұтқасын ұстаған бас партия үшін ең үлкен жауапкершілік. Партия елдегі қоғамдық-саяси жағдайға сәйкес өз жұмысын күшейтіп қана қоймай, Төраға қойған міндеттерге сай еңбек етіп, партия жұмысында жаңа қадамдар жасалады деп сенемін.