Партияны жаңғыртудағы 7 басымдық

Уақыт – таразы, ол туған жердің, тілдің, ата дәстүріміздің, ұлттық болмысымыздың бәрін ретімен безбендеп, заман көшіне ілесе отырып, орынды орнына қойып береді. Осы жылдың маңызды, тағдырды шешетін оқиғаларының бірі- «Nur Otan» партиясының кезектен тыс XXII сьезінің шешімдері десе болады. Онда партия атауынан бастап «AMANAT» деп өзгертіліп, партия жұмысын жаңғыртудың 7 басымдығы нақтыланған жаңаша жұмыс бағыты белгіленді. Олар, халықпен кері байланыс жасау құралдарының тиімділігін арттыру, партияластар арасында ынтымақтастықты арттыру, партияның жұмысында ашықтықты арттыру, партиялық бақылауды күшейту, партияның бағдарламалық құжаттарын қайта қарау, халықтың әртүрлі топтарымен жұмыс істеу, Жастар қанатының жұмысын жетілдіру жұмыстары. Бұл жұмыстар кәсіби даярлығы заманының сұранысына сай, адамгершілік-имандылық қасиеттері ұлы даланың сан ғасырлық құндылықтарымен сусындаған азаматтарымыздың қасиетті борышына айналуы тиіс. Әр ұрпақ өзінің тарихының алдында, келешек алдында борыштар. Бұл орасан жұмыс. Оны барлығымыз бірге жасауымыз керек. Сонда ғана қиындықтарды еңсеріп, оларды жеңе аламыз.

«AMANAT» партиясы ұлттың рухын көтеріп, бабалар аманаттаған ауызбіршілігі мықты ел болу жолында қызмет жасай берсін.