Мектеп оқушыларына жолда жүру ережелері түсіндірілуде

Ағымдағы жылдың ақпан айының 14-23 күндері аралығында өткізіліп отырған «Балалардың жолдағы қауіпсіздігі» жедел-профилактикалық іс-шарасы аясында Қармақшы ауданының Полиция бөлімі қызметкерлері полиция майоры Е.Әбдіқасовпен Тұрмағанбет ауылдық округіне қарасты №29 мектепте, полиция аға лейтенанты Н.Қожабаевпен Қармақшы ауылдық округіне қарасты №113 мектепте және полиция лейтенанты М.Жақсыбаевпен ІІІ Интернационал ауылдық округке қарасты №108 орта мектеп оқушыларына көшелерде жолда жүру ережелері туралы, мектепке немесе үйге барар жолдағы көлік көп жүретін жерлерде оқушыларға абай болуға, ол жерлерден өтпеу, жол ережесін бұзбау жөнінде кездесіп түсіндірме жұмыстарын жүргізді.

Шара барысында оқушыларымыз жол ережесін қатаң сақтау арқылы адам өмірінің маңызын ұғынып, жол-көлік оқиғасының алдын алудың маңызын түсінді.