» » Жаңа жылдық мерекелерде медицина ұйымдары қалай жұмыс істейді?

Жаңа жылдық мерекелерде медицина ұйымдары қалай жұмыс істейді?

Нұр-Сұлтан қаласының қоғамдық денсаулық сақтау басқармасының басшысы Тимур Мұратов алдағы жаңа жылдық мерекелерде медициналық ұйымдар қалай жұмыс істейтінін айтты, деп хабарлайды Egemen.kz.


«Азаматтарға медициналық ұйымдардың алдағы жаңа жылдық мерекелерде қалай жұмыс істейтіні туралы ақпарат бергім келеді. Алғашқы медициналық-санитарлық көмек ұйымдарында мереке күндері халыққа медициналық көмекті кезекші дәрігерлер көрсететін болады», деді Тимур Мұратов.
МСАК ұйымдарында пациенттерді қабылдау 1 қаңтар мен 4 қаңтар және 7 қаңтар аралығында сағат 8:00-ден 18:00-ге дейін жүзеге асырылатыны атап өтілді.
«Жалпы практика дәрігерлері ғана кезекшілікте болады, мерекелерде басқа мамандарға жүгіну мүмкін болмайды. Сондай-ақ, сүзгі-кабинеттер, амбулаториялық пациенттерге үйге баруды жүзеге асыратын мобильді бригадалар үздіксіз жұмысты жалғастырады, ПТР әдісімен тестілеуді өткізу тоқтатылмайды. Сүзгі-кабинеттерде кезекші дәрігерлер кесте бойынша таңғы 8-ден кешкі 8-ге дейін жұмыс істейтін болады. Амбулаториялық науқастарға 8:00-ден 16:00-ге дейін қызмет көрсетілетін болады», деп нақтылады Тимур Мұратов.
Оның айтуынша, қалалық стационарлар азаматтарды тәулік бойы қабылдауды жалғастыруда.
«Әрине, мерекелік демалыс күндерін ескере отырып, барлық елордалық ауруханалар резервтік бейінді палаталар бөле отырып, шұғыл медициналық көмек көрсету үшін күшейтілген жұмыс режиміне көшеді. Айта кетейін, жедел және консультациялық көмек көрсету үшін стационарлық көмекті жоғары білікті мамандар ұсынатын болады. 103 қызметі де өтініштерді қабылдау және қала тұрғындарының шақыруларына қызмет көрсету бойынша өз жұмысын тоқтатпайды», деп қосты Тимур Мұратов.




29 желтоқсан 2021 ж. 459 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031