«Жүрегі жауһар жампозым» атты этноқойылым-концерт болып өтті
Облыстық Нартай Бекежанов атындағы қазақ академиялық музыкалық драма театрында Ел Тәуелсіздігінің 30 жылдығы мен Көшеней Рүстембекұлының 75 жылдығына орай, Қармақшы Ауданы әкімінің қолдауымен, Қызылорда Облысы Мәдениет Басқармасының ұйымдастыруымен «Жүрегі жауһар жампозым» атты этноқойылым-концерт болып өтті.Жырдың кешін Бидас Рүстембеков Жиенбай жыраудың «Жыр бастауымен» ашты. Сыр сүлейлерінің шығармаларын Әділхан Қуаңбаев, Ақмарал Ноғайбаева, Руслан Ахметов, Серік Жақсығұлов, Айдос Рахметов, Шолпан Биімбетова, Майра Сәрсенбаева, Бейсенбек Төлеубаев, Айгерім Ешпаева, Динар Рахмандар орындаса, асылдың сынығы, тектінің тұяғы Көшенейдің ұлы Арнұр "Көшенейдің соңғы хаты" атты шығармасын айтып көрермендердің қошеметіне бөленді.
