Қазақстан Республикасының Тұңғыш Президенті, Елбасы Нұрсұлтан Назарбаев «Тәуелсіздік тағылымы» атты мақаласын жариялады. Аталмыш мақаламен мұқият танысып, оқып шықтым. Елбасы Н.Назарбаев «Біз өзіміздің толағай табыстарымыз арқылы тәуелсіздікке сенбегендерді иландырдық, көнбегендерді қатарымызға тарттық, әлем мойындаған абыройлы мемлекетке айналдық. Тәуелсіздік те бақыт сияқты, бағалаған адамның, аялаған адамның қолына тұрақтайды. Халқы тату, экономикасы қуатты, саяси жүйесі тұрақты, мәртебесі биік, абыройы асқақ Қазақстанның болашағы кешегіден кемел, бүгінгіден нұрлы екендігіне кәміл сенемін» - деді. Шынында Тәуелсіздіктің бізге оңай жолмен келмегендігіне көз жеткізеді. Тәуелсіздік жолына көз жүгіртіп, бірлігіміз бекем, жаңашылдыққа бетбұрыс жасаған қоғам болып қалыптасып келе жатқанымызды анық аңғардым. Мән-маңызы мол бұл мақалада Елбасы Тәуелсіздік жылдарында жеткен айтулы жетістіктеріміздің бірлескен ортақ еңбекпен, ұлыстар арасындағы ауызбіршілікпен және әр қазақстандықтың үлесі мен жүзеге асқандығына тоқталды. 

Республика азаматтары өздерінің мәдени және ұлттық бірегейлігін тәуелсіз мемлекетіміздің болашағы­мен байланыстыру арқылы ғана жасампаздық жолына түсе алады. Осындай саяси-әлеуметтік үдеріс қа­на Қазақстандағы саяси-әлеумет­тілік орнықтылықтың, этносаралық келісімнің тереңдеуіне себепкер бо­лады. Қазақстан өзінің тәуелсіздік мәртебесіне қол жеткізген кезеңнен бері әртүрлі кикілжіңдерден, қақ­тығыстар мен тартыстардан аман. Мен, өз тарапымнан, ондай теріс бағдарлы үрдіс­терден қорғап келе жатқан рухани күшіміз халқымыздың бірлікке деген ұмтылысында жатыр дер едім. Мемлекеттік бас­қару мен қоғамның құндылық­тық бағдарлары осы нысандардан таймаса ғана әлем мемлекеттері ара­сында тұғырымыз биік болады. Ал енді, тарихтың доңғалағын кері бұрып, одан басқа соқпақтарға түсіруге тырысқан әрекеттеріміз түп негізінде өзімізге де, өзгелерге де тиімді емес, әрі әрбір азаматтың жеке өміріне де нұқсан келтіреді. Тоқсан ауыз сөздің тобықтай түйіні сол, біздің тәуелсіздік жылдарындағы тапқан басты пайдамыз ұлттық және азаматтық бірегейлікке ие болуымыз.