Аудан әкімі Қайрат Ырзақұлұлы Ақтөбе ауылындағы «Алтын дән – 2021» мерекелік іс-шарасына қатысты. Ауылдық мәдениет үйінде ұйымдастырылған іс-шарада аудан басшысы еңбек озаттарын құттықтап, жыл үздіктерін марапаттады.

Сондай-ақ, іс-шара барысында «Ақтөбе и К» ЖШС-нің директоры Нұрлан Іздібаев сөз алып, дала дүбірін қыздырған еңбеккерлерге алғысын білдіріп, зейнеткерлікке шыққан ардагерлерге қазақы дәстүр бойынша шапан жауып, темір тұлпар мінгізді.

Әрі қарай аудандық ардагерлер кеңесінің төрағасы Есдәулетов Қаршыға «Ақтөбе и К» ЖШС-нің ұжымына ақ батасын беріп, салтанатты іс-шара соңы концерттік бағдарламаға ұласты.

Айта кетейік, «Ақтөбе и К» ЖШС-нің диқандары биылғы жылы 1756 гектар жерге егін екті. Оның әр гектарынан 80,9 цн өнім алынып, қоймаға 142025,5 тонна сыр маржаны құйылды. Жоспарланған меже алынып, ел қуанышқа бөленіп, шаруашылық облысымызда алдыңғы қатардан көрініп келеді.