Мекендеген мәңгілік Сыр даласын,
Бекемдеген жасынан жыр бағасын,
Әзілханның әлемін әспеттейін,
Дархан дала ұлына бір қарасын.Өлшеусіз үлесің бар Отанға ұлық,
Шәкірттерің есейді батаңды ұғып.
Өзің еккен шыбықтар бәйтерек боп,
Заманының заңғары атанды ұлық.Тағдыры тағылымды тұлғалы адам,
Жұлдызың жарқырап тұр
жылнамадан,
Өмірің өнегелі өшпес тарих,
Баладай болашаққа жол қараған.Жабырқама! Деп ойлап жеке қалдым,
Біздер сенің ұрпағың көке бармын.
Тарихи мақалалар жазып жүріп,
Тарихқа айналып кете бардың.Сен басқарған «Коммунизм
шам­шырағы»,
Болды елінің рухани жан шуағы.
«Қармақшы таңы» болып өзгертіліп,
Сөзінің жұртқа жетті бал шынары.Бағалады еңбегіңді халық көріп,
Сол сәуле тұр өзіңе жарық беріп.
Сен жүрген жол секілді – Темірқазық,
Біздерге тұрады әлі бағыт беріп.