» » Ұлық ұлыстың атасы

Ұлық ұлыстың атасы

Ұлық ұлыс, айбынды Алтын Орданың құрылғанына – 750 жыл. Өскелең ұрпаққа ата-бабамыздан мұра болып қалған ұлы даламызда орын алған тарихи оқиғалар мен Қазақ даласында осыдан сегіз ғасыр бұрын құрылған алып империя Алтын Орда мемлекетінің тарихын дәріптеу, оны зерделеп дүйім жұртқа паш ету – біздің ұстаздық парызымыз. Осыған орай ҚР Президенті Қасым-Жомарт Тоқаевтың 1269 жылы Талас құрылтайында дербестігі толық мойындалған Алтын Орда (Жошы ұлысы, Ұлық ұлыс) империясының 750 жылдық мерейтойын мерекелеу туралы мәлімдегені баршаға белгілі. Сондай-ақ Мемлекет басшысы «Ұлытау-2019» халықаралық туристік форумда Жошы ханның кесенесі келешекте мәдени-туристік нысанға айналуы қажеттігін атап өтті.
Алтын Орда – Еуразия аумағындағы Түрік қағанатынан кейін құрылған екінші Еуразиялық мемлекет. Қазақстан аумағындағы тарихына 3 мың жыл болды десек, бұл сол мемлекеттіліктің ХІІІ-ХV ғғ көрінісі. Сонымен қатар, Алтын Орда үш ғасыр өмір сүрген заманында өзінің территориясындағы көптеген халықтардың этникалық, саяси тарихына, мемлекеттің дамуына көп ықпал етті. Тіпті, көрші Ресейдің тарихында да Алтын Орданың өзіндік орны бар. Ал, қазіргі түркі тілдес халықтардың ішінде бірнешеуі ғана өзін Алтын Орданың тікелей заңды мұрагері санайды. Ол әрине бірінші қазақ халқы және Қырым татарлары.
Айтулы шараға орай мектепте дөңгелек үстел отырысы, кітап көрмесі, шығарма жазу, тақырыптық буклеттер дайындау, презентация көрсету жоспарлануда.
Ұлы дала төсінде үш ғасырдан астам салтанат құрған Жошы Ұлысының тарихына қатысты орын алған бірқатар маңызды оқиға мен тарихи ескерткіш жетерлік. Енді оны көздің қарашығындай сақтап, жас ұрпаққа жеткізу – басты борышымыз.
Индира Талкиева,
№183 орта мектептің тарих пәні мұғалімі
20 наурыз 2020 ж. 40 0

PDF нұсқалар мұрағаты

№25 (9879)

03 сәуір 2020 ж.

№24 (9878)

30 наурыз 2020 ж.

№23 (9877)

26 наурыз 2020 ж.

Сұхбат

Суреттер сөйлейдi

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930