Оқушылар желтоқсаншылармен кездесті

Желтоқсан оқиғасының 35 жылдығына орай Қармақшы аудандық тарихи-өлкетану музейінде 1986 жылғы желтоқсан оқиғасының куәгерлері бас қосты. "Желтоқсан желі - ызғарлы еді" тақырыбында өткізілген кездесу кешіне мектеп мұғалімдері мен оқушылар жиналды. Еркіндік үшін күрескен, қанды қырғынның ортасында болып, көтерілісті көзімен көрген оқиға куәгерлері сол кезеңді еске алып, еліміздің бүгінгі жетістіктері жайында сөз қозғады. Оқиға қатысушылары өздерінің әсерлі ойымен бөлісіп, оқушылар тарапынан туындаған сұрақтарға жауап беріп, жүрек жарды тілектерін білдірді.