2018 жылдың 12 желтоқсан күні О.Шораяқұлы атындағы №30 орта мектебінде оқушылар желтоқсан көтерілісін көзбен көрген, тарихи оқиғаға куә болған адамдармен кездесе отырып, жас ұрпақ бойына еліне, жеріне, ұлтына деген патриоттық сезімін қалыптастыру мақсатында "Тұғыры биік - Тәуелсіздік" тақырыбында кездесу кеші өтті. Желтоқсан оқиғасының куәгерлері: Ниязов Айдос Сұлтанбекұлы, Бұйрабаева Ақжамал Жұмабайқызы - №26 орта мектебінің қазақ тілі мен әдебиеті пәнінің мұғалімі, Рысбаева Аманкүл Батырбекқызы - №26 орта мектебінің биология пәнінің мұғалімі, Қыпшақбаев Мұхит Әбдірашұлы - Қармақшы ауданының мемлекеттік сатып алу бөлімінде әдіскері. Желтоқсан оқиғасына байланысты өз ойларымен бөлісіп, қазақ елінің жетістіктеріне, болашағына тоқталды. Кеш қонақтары Қорқыт ата мемориалдық кешенінің ғылыми қызметкері Мағауия Әлиев Бердібекұлы, Қармақшы таңы газетінің редакторының орынбасары, ата-аналар комитетінің төрағасы Жанәділов Нұрбай Әбілахатұлы, аудандық білім бөлімінің әдіскері А.Тоқшылықова ата-баба аңсаған, тәуелсіздікті қадірлеу, сақтау жолында біздің және жас ұрпақтың міндеті зор екендігін жеткізді. Кездесу кешінің соңы патриоттық әндермен жалғасты.