Мектеп оқушыларына түсіндірме жұмыстары жүргізілді

Қармақшы аудандық прокуратурасының бастамасымен Жосалы кентіндегі №250 мектеп-лицейінде аудан прокурорының орынбасары, аудандық полиция бөлімінің инспекторлары, аудандық білім бөлімінің жауапты мамандары, аудандық денсаулық сақтау ұйымының маманы, жастар ресурстық орталығының маманы және аудан әкімі аппаратының әдіскерінің қатысуымен оқушылармен кездесу өтті.

Кездесу барысында оқушыларға суицидтің, жыныстық қол сұғылмаушылықтың, нашақорлықтың, отбасындағы тұрмыстық зорлық-зомбылықтың, жасөспірімдермен жасалатын құқық бұзушылықтың және жол көлік оқиғаларының алдын алу бағытында түсіндірме жұмыстары жүргізіліп, мектеп оқушыларына жоғарыда аталған бағыттар бойынша әзірленген жадынамалар таратылды.