Облыстық кәсіподак комитетінің ұйымдастыруымен жылма –жыл бітіруші түлектердің «Алтын белгі» алған оқушылардың бастауыш сынып ұстаздарына жолдама табыс етіліп келеді. Қармақшы ауданында 2020-2021 оқу жылында 63 оқушы «Алтын белгі» иегері атанды. Бүгін аудандық кәсіподақ комитетінің ұйымдастыруымен аудандық білім бөлімінің басшысының уақытша міндетін атқарушы Дүйсембаева Гүлзия Қараманқызы «Алтын белгі» иегерлерінің бастауыш сыныптағы ұстаздарына Түркістан облысындағы «Біркөлік» шипажайына жолдама табыстады. Ұстаздарымызға қажырлы еңбектеріңізге толағай табыс, отбасыларыңызға аманшылық тілейміз.