Өңірлік дамыту жөніндегі аумақтық қоғамдық кеңес отырысы өтті

«Nur Otan» партиясы Қармақшы аудандық филиалының Өңірлік дамыту жөніндегі аумақтық қоғамдық кеңес отырысы өтті.

Отырысты аудандық мәслихат депутаты, кеңес төрағасы Нысанбаев Бақытжан Сағилатұлы төрағалық етіп, жүргізіп отырды. Кеңес отырысына «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы және кеңес мүшелері қатысты.

Аталған кеңес отырысының күн тәртібінде «Өзгерістер жолы: Әр азаматқа лайықты өмір!» атты «Nur Otan» партиясының сайлауалды бағдарламасын іске асыру жөніндегі Қармақшы ауданы бойынша Жол картасындағы жолдардың сапасын жақсарту, тұрғын үйге қолжетімділігін арттыру және газбен қамтамасыз ету бойынша индикаторлардың орындалу барысы туралы мәселелер қаралды.

Күн тәртібіндегі мәселеге байланысты аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің басшысы Ефенов Рустам Сақтағанұлы хабарлама жасады.

Жиын барысында кеңес мүшелерінің тарапынан қойылған сұрақтарға жауап беріліп, кеңес отырысына ұсынылған мәселелер толығымен қаралды.