Балаларға коронавирусқа қарсы вакцина салынып жатыр – фейк

«Туберкулезге қарсы екпе деген сылтаумен балаларға коронавирусқа қарсы вакцина салынып жатыр». Ел ішіне тараған бұл ақпараттың жалған екенін санитарлық-эпидемиологиялық бақылау комитетінің ресми өкілі Ержан Байтанаев мәлімдеді, деп хабарлайды Egemen.kz.



Ол өзінің фейсбуктағы парақшасында «Туберкулезге қарсы ревакцинация жоспарлы шара және ол тек қыркүйекте жүргізіледі» деп жазды. Сондай-ақ ата-ананың жазбаша келісімінсіз ешкімге екпе салынбайтынын атап өтті. Оның айтуынша, Pfizer вакцинасы осы жылдың төртінші тоқсанында қолжетімді болады. Бірақ ол да тек ата-ананың немесе баланың заңды өкілінің рұқсатымен ғана салынады. Комитет өкілі қазақстандықтарды тек ресми дерек көздеріне сенуге шақырды.