Балаларға қуаныш сыйлады
Жыл сайын «Мектепке жол» республикалық акциясы аясында балаларға сыйлық үлестіріп, сауапқа кенелетін «Қазақстан Халық Банкі» акционерлік қоғамы бұл жолы да дәстүрден жаңылмады.
1 қыркүйекке дейін ауданға қарасты кенттер мен барлық ауылдың, Байқоңыр қаласының аз қамтылған, көпбалалы отбасыларына көмек ұсынды. 1 сыныпқа баратын 50 оқушыға оқу құралдары салынған сөмке тарту етті. Мұндай сыйлыққа қуанған балалар мен ата-аналар ризашылықтарын білдіріп, алғыстарын жаудырды.
«Бәрі де балалардың болашағы, қуанышы үшін ғой. Оқуда озат болып, алаңсыз білім алсын деген тілегімізді білдірдік» дейді «Қазақстан Халық Банкі» акционерлік қоғамы Байқоңыр өңірлік Қармақшы аудандық филиалы мамандары.
«Қт» ақпарат
