Кәсіпкерлермен кездесу өтті

Аудандық прокуратураның бастамасымен кәсіпкерлік бөлімінің және Қызылорда облысы бойынша кәсіпкерлер палатасының аудандық филиалының ұйымдастырумен барлық санитарлық талаптарды қатаң сақтай отырып, кәсіпкерлермен кездесу өткізілді.

Дөңгелек үстел нысанында өткізілген мәжілістің басты мақсаты кәсіпкерлерді қолдау, олардың құқықтарын қорғау бағытындағы және қолданысқа енгізілген жаңа заңнамаларды түсіндіру, олардың сұрақтарына жауап беріп, пікір алмасу.

Кездесу барысында аудан кәсіпкерлері көкейлерінде жүрген сауалдарымен бөлісіп, тиісті уәкілетті орган өкілдерінен кеңестер мен түсіндірулер алды.

Тұрғындар арасында кеңінен түсіндіру жүргізіліп жатқан Қазақстан Республикасындағы жаңа Әкімшілік рәсімдік-процестік кодексінің құқық қорғау әлеуетін, сондай-ақ бейбіт жиналыстарды өткізу тәртібі бойынша аудандық прокуратура қызметкерлері баяндама жасап, аталған заңнамалар төңірегінде пікір алмасып, ерекшеліктері жан жақты талқыланды.

Сонымен қатар мәжіліс барысында қылмыстық процесте азаматтардың құқықтарын қорғауды және сыбайлас жемқорлыққа қарсы іс-қимылды күшейту мәселелері бойынша заңнамаларға енгізілген өзгерістер мен толықтырулар, «Үш буынды жүйе» аясында ақпараттар беріліп, түсіндіру жүргізілді.