«Nur Otan» партиясы Қармақшы аудандық филиалының жанындағы партиялық бақылау комиссиясының төрағасы, аудандық мәслихат депутаты Скендіров Айдынбек Айтбайұлы партия мүшелерінің Әдеп кодексін сақтау мақсатында «Ақжар» бастауыш партия ұйымының мүшелерімен ZOOM платформасы арқылы кездесу өткізді.

Кездесу барысында «Ақжар» бастауыш партия ұйымынан Оспанова Сарсенкүл Нақыбайқызы хабарлама жасап, Ақжар ауылдық округі әкімі аппаратында қызметкерлердің арасында заң бұзушылыққа жол бермеу, сонымен қатар орындаушылық тәртіпке байланысты бақылауды күшейту, қызметкерлердің арасында сыпайылық пен әдептілікті сақтауы басты назарда екендігін және 2021 жылға арналған іс-шаралар жоспарына сәйкес құқықтық оқытулар ұдайы өтетіндігін жеткізді.

Кездесу соңында «Әдеп кодексі» талаптарының орындалуы мен сақталуы үнемі назарда болатындығы айтылды.