Бастауыш партия ұйымдарының жиналысы өтті

Кеше «Nur Otan» партиясы Қармақшы аудандық филиалына қарасты он сегіз бастауыш партия ұйымдарының жиыны өтті. Онда партия мүшелерінің Әдеп кодексін сақтау мәселесі қаралды.

Жалпы кодексте партия мүшелерінің заңнаманы сақтауы және қадірлеуі, қазақстандық патриотизмді дамытуы, партиялық тәртіпті бұлжытпай орындауы, сонымен қатар көпшілік мақұлдаған моральдық-этикалық жүріс-тұрысы нормаларға сай болуы керек екені айтылған. Сонымен қатар әдеп кодексі сыбайлас жемқорлыққа қарсы іс-қимыл бағдарламасы аясында партия мүшелерінің жүріс-тұрыс эталондарын бекіту мақсатында қабылданғаны белгілі. Бағдарламалық құжат пен партия жарғысын сақтау – ең үлкен жауапкершілік.