Аудан әкімі редакцияда болды
Бүгін аудан әкімі Мұса Қалдарбеков редакциямызда болып, жұмыс барысымен, ұжым мүшелерімен танысты. Толғандырған мәселелерін тыңдап, шешу жолдарын қарастырды. Аудан айнасының жұмысына оң бағасын беріп, тілшілердің алдағы жұмысына сәттілік тіледі.
– Ұсыныс-пікірлеріңіз алдағы уақытта қарастырылатын болады. Газет – аудан айнасы. Халық пен біздің арамыздағы алтын көпір сіздерсіздер. 90 жылға жуық тарихы бар төл басылым жас журналистермен толығыпты. Жұмыстарыңызға сәттілік тілеймін, – деді аудан басшысы сөз арасында.
Айта кеткен жөн болар, аудан әкімінің орынбасары Жарқын Омаров, ішкі саясат бөлімінің мамандары да редакция жұмысымен танысты.
