«Бұл індетті жеңу үшін ұжымдық иммунитет қалыптастыру қажет. Сондықтан әрбір адам өзінің денсаулығын, отбасын қорғау мақсатында вакцина қабылдау керек». Бұл туралы Өңірлік коммуникациялар қызметінің ақпараттық алаңында өткен онлайн брифингте "Ы.Алтынсарин" төсбелгісінің иегері Гүлзада Садықова осылай деді.

- Қазіргі таңда ахуал күшейіп тұрғанын жақсы білесіздер. Қаншама адамдар зардап шегуде. Өзім педагог болған соң көпшілік ортада қоғамдық байланыста көп боламыз. Бірінші орында баланың денсаулығын басты назарда ұстаймын. Сол себепті, өзімді, оқушыларды, әріптестерді қорғау мақсатында «Спутник-V» вакцинасын еш ойланбастан салдырдым. Жағдайым жақсы, ешқандай ауыртпалық болған жоқ. Барлықтарыңызды вакцина салдыруға шақырамын,-деді Гүлзада Рүстемқызы.